ការយល់សុបិន្ត

ទំនាយបុរាណទាក់ទងនឹងសុបិន្ត

១. យល់សុបិន្តថាបានស៊ីក្បាលមនុស្ស

ប្រសិនបើអស់លោកអ្នកកំពុងបំរើការរាជ្ជការ តាមក្បួនបុរាណទំនាយទាយថានឹងបានឡើងដំណែងជា មេឃុំ រឺ ចៅហ្វាយស្រុក រឺក៏មុខតំណែង ធំជាងនេះក៏ថាបាន ។​ ការយល់សុបិន្តរបៀបនេះកម្រនឹងជនណាមួយធ្លាប់ជួប្រទះឡើយ វាជា សុបិន្តចម្លែកហើយនឹងនាំនូវលាភសំណាងធំមកអោយលោកអ្នកទៀតផង ។

២. យល់សុបិន្តថារើសបានម្ជុលមាស
ប្រសិនបើអស់លោកអ្នកយល់សុបិន្តថារើសបានម្ជុល ហើយម្ជុលនោះជាមាសទៀត នោះទំនាយ ទាយថានឹងបានបុត្រាប្រកបដោយប្រាជ្ញាឈ្លៀសវៃទៀតផង ។ 
៣. យល់សុបិន្តឃើញខ្លាស្ទុះខាំ
បើយល់សុបិន្តឃើញសត្វខ្លាស្ទុះខាំវិញ ទំនាយបុរាណលោកបរិយាយថាពុំល្អទេ នឹងមានសត្រូវប៉ុនប៉ងយាយីមកលើខ្លួនពុំខាន ។ 
៤.យល់សុបិន្តឃើញឈ្លើងទាម. នាគព័ទ្ធ. ពស់ចឹក
បើអស់លោកអ្នកយល់សុបិន្តឃើញឈ្លើងទាមក្តី នាគព័ទ្ធក្តី រឺក៏ពស់ចឹកក្តី ទំនាយបុរាណលោក ពោលថានឹងជិតដល់គូ បើពុំនោះទេនឹងមានគេចាប់ចិត្តស្រលាញ់លើខ្ឡួនមិនខាន ។